王祖藍大喊「嫁俾耶穌」演嘢佈道共冶一爐

繼去年「咪咁扮嘢」王祖藍演嘢會成演出後，王祖藍再有搞作，於8月19至20日及加開的21日假灣仔伊利沙伯體育館再來三場的《王祖藍Show Off Show咪咁扮嘢演嘢會II》，要在演嘢會上談情説愛仍不夠，要在眾人面前高呼「我要嫁俾耶穌！」 去年的演嘢會場場爆滿，舞台上唱、跳、演、玩、棟篤笑共冶一爐。今次的演出以「愛」為主題，有愛話愛，有情講情，內容談盡初戀、熱戀、失戀、明戀、暗戀、痴戀、求婚、結婚，一貫地施展渾身解數傾力演出。英皇娛樂集團表示，此次的「咪咁扮嘢」將更「扮嘢」，比「超級爆笑」更爆笑、比「瞓身棟篤」更棟篤。 英皇表示此次演嘢會性質為一場帶佈道元素的演出，未有與任何基督教機構合作。 王祖藍在早前記招上透露，今次演嘢會將有擺喜酒的情節。但新郎不是祖藍，新娘亦不是其女友李亞男，耐人尋味。到時亦有其他英皇旗下歌手與無線藝人出席。 他亦透露今次扮嘢的造型將不超過10個，亦會繼續發揮「扮女人」的「本色」。 被問及會否趁機在演出上向女友求婚時，祖藍表示現仍以事業為重不會求婚，更表示：「今次是我嫁給耶穌！」直言李亞男「今次新娘不是她」，今次只能做賓客！